Ang aming pananampalataya ay umiimpluwensya sa halos lahat ng aspeto ng aming buhay. Higit pa sa simpleng paniniwala kay Jesucristo, sinisikap naming ipamuhay ang Kanyang mga turo sa tahanan, sa trabaho at sa aming komunidad. Narito ang ilan sa unang pinahahalagahang kaugalian na isinasagawa ng mga miyembro ng Simbahan sa iba’t ibang dako ng mundo.

Lahat tayo ay espirituwal na anak ng mapagmahal na Ama sa Langit na nagpadala sa atin dito sa lupa upang matuto at umunlad sa mortalidad. Bilang mga Mormon, kami ay mga disipulo ni Jesucristo. Namumuhay kami nang karapat-dapat upang paglingkuran Siya at ituro ang Kanyang walang-hanggang plano para sa bawat isa sa atin.